Aber der Gig war schon irgendwie o.k.: "Wie wenn man in einem Riesenraum eine intime Situation schafft". Das Duo blieb noch ein paar Tage in Kuala Lumpur und gab sich dann die Boomtown Singapur, "unpackbar" (Hansi), "grauslich (....) eine Kommerzdiktatur, ein hartes Regime, wo jede andere Lebensform unterdrückt wird, weil nur das Saubere im Sinn von straighten Bisness-Leben gewünscht ist (...) hackln, hackln, hackln, auzahn, auzahn, auzahn, Zuwächse, Zuwächse, Zuwächse, Bisness, Bisness, Bisness, kauffn, kauffn, kauffn," (Markus). Danach hatten Hansi und Markus Erholung nötig und reisten in das Palm-Beach-Resort von Penang. Dort fanden sie einen Freund.

M: Jo. des war da Ali Window

H: Jo, den hod da Markus kenagleand amoi, wie er unter der Budel so gsessn is so ganz so (macht eindeutige Handbewegungen) und dann hamma hoit mit dem am Abend imma a bissl so Zigrettn graucht, und dann hamma imma recht a Gaudi ghabt mit eahm hoit. Und dann hat er uns hoit so Gschichtn dazöhlt, wie er lebt und was er denkt über Religion und Politik und über Essen, Ramadan, über sei Arbeit und sei Familie und sei Zukunft hoit und da hamma hoit so dahinphilosophiert. Am Pool.

(15k) M: Des is hoit a lange Story, i man, was der ois dazöhlt hat. A sehr kuriose Sache wie der irgendwie die Dinge siacht und ois, des is a lange Gschicht, i waß net.

H: Der is dort angstellt, der war zerst am Strand, 5 Jahr glaub i, goi 5 Jahr? Und hat mit dem Fallschirm do, wia haßt des? Parasailing oder wos?

M: Parasailing, jo.

H: Des hat a irgendwie gmocht und do hat er hoid de Leit zuwaghoid oder animiert dazua, daß des mochn. Und drum kann der des in a paar Sprachn sogn: "Wollen sie fliegen? Fliegen ist supa! Wunderbaar!" Jo? "Laufen, laufen, loslassen" Des kann er irgendwie jetzt auf deitsch und in mehrere Sprachn hoit. Und bei de Japaner - des kann er auf Japanisch a - irgendwie so "motoboto hikara" oder so. Und dann hat er imma gsogt: "Japanese people are stupid", weil sie's net checkt ham, wannst obakummst ziagst an dem Seil do und dann gehst langsam oba und de wolln natirlich, daß du wieda am Sand landest und net im Wassa, weil dann is da Fallschirm naß. Des ham de Japaner irgendwie net checkt, jo?, jetzt is dauernd da Fallschirm, dürfte wahrscheinlich naß wordn sei. Jetzt hams imma gsogt: "Japenese people are stupid". Weil ses hoit net checkt ham. Und da war er oiso zerst 5 Jahr. Und dann hat er jetzt a fixe Anstellung ghobt, sozusagn...

M: Jetz is a Koffaträger, oiso.

H: Da is a Koffaträger ...

M: Bellboy is a, der imma de Koffa von die Leit de kumman, de Koffa aufs Zimma bringt, Da hat a so a Wagal und singt den ganzn Tag und is hoit imma, is hoit imma eikifft irgendwie, Gras und so

H: Aba recht vergnügt dabei

M: Jo sehr lustig imma, nau, immer so...imma irgendwie lustig, jo, imma drauf. Aba hoit so irgendwie a ziemlicha, von sein, wiara so azöhlt von sein, wiara so des Lebn sie so vorstellt, ois ziemlich, oisa a Islam, nau, de Malaien san jo Islamis, und so sehr, oiso für unsare Begriffe a sehr fundamentalistische Haltung, würd i amoi sogn: "You must follow the rules", "wenn du die Regeln halts so, die Gott da irgendwie aufstöllt, dann wirst du igendwie zufrieden sein.

wenn du des net mochst, dann wirst du Probleme kriagn und sterbn und des wird hoit ois net so funktionieren, so irgendwie. Und des ist hoit irgendwie sehr kurios gwesn wie er anerseits hoid sozusogn da herumfreakt mit sein Gras und mit die Touristen da herumschäkert und den ganzn Tag an Fan hat und auf da andern Seitn hoit sehr harte, religiöse Lebensregeln da irgendwie dauernd so erzählt.

5x täglich hat a gebetet und so, da hearst imma dann in Muezzin singen über die Lautsprecher...und dann eben, wie ma beim 2. x dort worn, Ramadan, da derfst dann von, waaß net, von siemi in da fruah bis hoiba achte aufdnacht nix essn, nix kiffn, net woschn, des haßt du muaßt des olles in da Zeit vorher und nachher erledigen, des haßt, do hat er sie hoit sei Ration oda so irgendwie, vorher und nachher irgendwie voi...aber des hat a einghalten, a ganz Monat lang.

Und die Philosophie, wos a uns der so dazöhlt über Gott und die Welt is scho sehr, scho sehr kurios

Hansi, Ali Window und Markus (v.l.n.r.) (15k)
H: Aber er is z.B. a sehr froh, daß er diese Anstellung hat, oiso daß er net am Strand sei muaß, weil da bist natirlich abhängig von de Touristn, fahrt a jetzt mit oda net. Und durt kumman hoid laufend Touristn hin, und da kriagt a hoit a Trinkgöd, des is eam scho liaba ois wia des Strandlebn, oiso in dem Sinn,so a Freak is a dann a wieda net, des anzige wos a hoit irgendwie hat, is daß a kifft, jo, wos eigentlich vaboten wäre und des derf neamd wissn, aber er macht des, jo?, "Follow the rule!", ständig.... Oiso so isa a ziemlich brava Bua und mecht amoi a Frau ham und Kinda und er waß des ois scho, er plant irgenwie einfach sei Lebn.

M: Er wird jetzt dann bald amoi heiratn und..

H: Jo, und wann ma nexts moi kumman solln ma unsere Fraun und unsere Kinda mitnehma..

M: Er sagt: "If you don't follow the rule, you become wild people and then you must die !", oiso: "Follow the rule!"

H: Und trinkn tuat a natirlich a net, goi

M: No alcohol, nau

H: Oiso mia ham da so Bier tschechat...

M: Jo genau, des war lustig. Am ersten Abend hamman gfrogt, wo ma so hingeh kann und so. Und er hat gsogt, jo Dicos, Naah, ghet a net, wei dort san imma olle angsoffn und auf Alkohol und imma nur auf die Fraun hin und des interessiert eahm übahaupt net. Und er hat gmant, er tuat nur Kiffn, weil da wird da Kopf klar und da kann ma dann an Gott denken, oiso wann ma angsoffn is, kann man net gscheit beten

H: Jo genau,und wannsd bsoffn bist, oda wia is des ganga? Wann ma Alkohol trinkt, dann hat man nur mehr Fraun im Kopf, dann gehts nur mehr um Fraun und so und...

M: Jo eben...

H: ...drum macht er des net

M: in de Discos und so, stimmt ja a, net, oba des is..

H: Haha, stimmt ja a, hahaa, des is ein..

M: ...irgendwie net sein Business, irgendwie. Na und der verdient, wart wia war des?, 600 Ringgit, des san 2400 Schilling, und davon braucht a 300 Ringgit, braucht a zum Kiffn, von de 600, im Monat. Oiso des is scho sehr wichtig für eam afoch.

H: Oba ohne kiffn würde er's net aushaltn.

M: Und Ali Window hat a ghassn, "Fenster", weil a dann aufamoi plötzlich seine beiden Vorderzähne außagnumma hat. Oiso des war so überraschend wie wann si do ana den Finga aus da Hand außaziagt. Und durch des hoid "Window", weil da sozusangn des Loch war in da Zahnreihe. Und den Namen hat er ghobt, er hat gsogt: "Ali Window". Da hamma eh a Foto mit, wo ma oben san mit eam, mitn Ali Window.....
Und ebn des "Fliegen ist supa! Wunderbaar!"